Россия халкы үзләренә кредит бирүне тыя алачак

Россия кешеләре үзләренә кредит бирүне тыя алачак. Моны «Госуслуги» аркылы эшләп була, дип яза РИА Новости.

Моның өчен:

– «Госуслуги» порталында теркәлергә кирәк.

– Хезмәтләр исемлегендә «Установление запрета на выдачу кредита» бүлеген табыгыз.

– Анкета тутырыгыз (үзегез турында мәгълүмат, ФИО, туган көн, паспорт мәгълүматлары һәм яшәү урыны).

– Тыюны теркәү өчен гариза җибәрегез.

– Тыюны теркәүләре турында банклардан хәбәр көтегез.

Тыюны транспорт һәм ипотека кредитларына, дәүләт ярдәме кысаларындагы белем бирү кредитларына куеп булмый.

Кредитларга үз-үзеңә тыю билгеләүнең плюслары һәм минуслары:

Плюслары – үз-үзеңә тыю билгеләү, мошенниклардан сакланырга ярдәм итә. Шулай ук уйланмаган сатып алулардан да коткарырга мөмкин. Кредитлар берничә минут эчендә онлайн гына бирелә, ә тыюны бетерү өчен банкка барып йөрисе булса, кире уйлау шансы бар.

Минусы да бар: әгәр кредит алырга җыенасыз икән, банк бүлекчәсенә барырга туры киләчәк.