24 яшьлек кыз «Лада» машинасында бензовозга бәрелеп үлгән
Башкортстанда бензин ташый торган машинага бәрелгән «Лада» йөртүчесе һәлак булган. Бу турыда «Башинформ» хәбәр итте.
Әлшәй районында яшәүче 24 яшьлек кыз «Лада» машинасында рульдә була. Чишмә – Аксенов – Кыргыз Миякә юлының 70нче километрында ул авариягә очрый.
Якынча белешмә буенча, 24 яшьлек кыз «Лада» машинасында Раевский авылы ягыннан килгәндә каршы як полосага чыга, ул бензин ташый торган «КамАЗ» машинасына бәрелә. Җиңел машина йөртүчесе урында ук һәлак була, диелә хәбәрдә.