Казанда тагын бер шартлау ишетелде, төтен күтәрелде

Казанда бүген дроннар һөҗүм ясаган «Лазурные небеса» торак комплексы янында яшәүчеләр кабат – төнге 23.38 сәгатьтә шартлау тавышы ишелүен яза. Тавышны көндез дрон шартлаган вакыттагы тавышка охшаталар.

Хәбәрләрдән аңлашылганча, тавыш «Арт Сити» торак комплексы ягында булды.

Төтен таралуы төшерелгән фото, видеолар тарала.

Бер фараз буенча, бүген «Лазурные небеса»да шартламый калган шартлаткычны саперлар кырга – куркынычсыз урынга алып чыгып шартлаткан. Әмма халык нәкъ менә шушындый көнне ни өчен бу турыда алдан хәбәр ителмәвенә гаҗәпләнә.

Бу вакыйгага кагылышлы рәсми җавап килде:

«Элегрәк хәбәр ителгәнчә, оператив хезмәтләр өчен гадәттән тыш хәл режимы кысаларында, гадәттән тыш хәлне бетерү процессы бара. Штабның планлы эшләре»;

«Лазурные небеса» торак комплексы районындагы төнлә ишетелгән тавыш — көндез килгән пилотсыз очкыч калдыкларын юк итү нәтиҗәсе. Тынычлык саклавыгызны һәм борчылмавыгызны сорыйбыз, дип хәбәр итте Казанның Совет районы администрациясе.