Գործարկվել է Երեւանի հանրային տրանսպորտի միասնական տոմսային համակարգի կայքը
«Կայքում կարող եք ծանոթանալ նոր տոմսային փաթեթներին, հաշվիչի միջոցով հաշվարկել, թե որն է ձեզ համար ամենամատչելի տոմսը, հանրային ծառայության համարանիշը մուտքագրելով՝ ստուգել, թե արդյոք ներառված եք արտոնյալ խմբում:
Երեւանցիները բոլոր ծառայություններին հասանելիություն կստանան մի օգտահաշվով եւ անհրաժեշտություն չի լինի այցելել տարբեր կայքեր, ունենալ տարբեր օգտահաշիվներ»,- Երեւանի քաղաքապետարանի գործակարգավարական նիստին ասել է նա։
Տիգրան Ավինյանը նշել է, որ հունվարի 1-ից անցում կկատարվի տրանսպորտի տոմսային համակարգի անկանխիկ վճարման եղանակին։
«Կգործեն նախկին սակագները։ Կգործեն նաեւ նոր տոմսային գործիքները։ Հունվարին պետք է ամբողջությամբ ապահովենք հին մոդելից նոր մոդել տրանսֆորմացիան»,- ասել է Ավինյանը: