Чагаев олтин камарни қайтариб олиш учун реванш жангга чиқмоқчи

5 март куни Грознийда ўтказилган ҳимоя жангида WBA камарини австралиялик рақиби Лукас Браунга ютқазиб қўйган ўзбекистонлик боксчи Руслан Чагаевнинг матбуот котиби Темур Дугазаев Озодлик билан суҳбатда  ўзбек боксчиси номидан техник мағлубияти учун узр сўради. Дугазаевга кўра, Чагаев камарини қайтариб олиш учун апрель ойида рақиби билан реванш жангга тушади.