Հայկական զորամասերից մեկում զինծառայող է հայտնաբերվել` գլխի շրջանում ստացած հրազենային վիրավորումով
ԵՐԵՎԱՆ, 24 մարտի. /ԱՌԿԱ/. Մարտի 24–ին, ժամը 09:20-ի սահմաններում, ՀՀ ՊՆ N զորամասի հրաձգարանում գլխի ճակատային շրջանում ստացած հրազենային վիրավորումով հայտնաբերվել է պարտադիր ժամկետային զինծառայող, շարքային Սևակ Հովհաննեսի Համբարձումյանը, հաղորդում է ՀՀ քննչական կոմիտեն։
Զինծառայողը Կապանի քաղաքային հիվանդանոց տեղափոխվելու ճանապարհին մահացել է:
Դեպքի հանգամանքները պարզելու նպատակով կատարվում են անհետաձգելի քննչական և դատավարական գործողություններ:
Քննության արդյունքների մասին տեղեկություն կտրամադրվի լրացուցիչ։–0–