Դավութօղլու. «Մինսկի խմբի փոփոխման հարցում մեր դիրքորոշումը հստակ է»
Թուրքիայի վարչապետ Ահմեդ Դավութօղլուն, պատասխանելով լրագրողի այն հարցին, թե արդյո՞ք Թուրքիան պետք է քայլեր ձեռնարկի Հայաստանի և Ադրբեջանի միջև ստեղծված իրավիճակում և արդյո՞ք ԵԱՀԿ Մինսկի խումբը փոփոխման կարիք ունի, ասել է. - «Գիտեք, որ մենք Մինսկի խմբի անդամ ենք: Բայց քանի որ բանակցություններով փաստացիորեն զբաղվում են երեք համանախագահները, մյուս երկրները դուրս են մնացել գործընթացից: Մինչդեռ, այդ երեք երկրում շատ ուժեղ հայկական լոբբի կա: Այդ պատճառով այստեղ հավասարության մասին խոսք անգամ չի կարող լինել: Իհարկե, Հայաստանը և Ռուսաստանը չեն ցանկանում, որ Թուրքիան կամ այլ երկրներ ներգրավվեն գործընթացին: Հետևաբար Մինսկի խմբի փոփոխման հարցում մեր դիրքորոշումը հստակ է: Խմբի անդամ բոլոր երկրները պետք է մասնակցեն աշխատանքներին»:
Անդրադառնալով վերջին օրերին ղարաբաղա-ադրբեջանական շփման գծում ընթացող մարտերին` Դավութօղլուն հերթական անգամ հայտնել է պաշտոնական Անկարայի անվերապահ աջակցությունը Բաքվին:
«Ադրբեջանի դեմ ուղղված ցանկացած սպառնալիք Թուրքիային է ուղղված: Մենք կիսում ենք Ադրբեջանի տարածքային ամբողջականությունն ու ճակատագիրը», - հայտարարել է Դավութօղլուն: