Қазақстан туберкулезге қарсы күресте Орталық Азия өңірінде көш басында келеді - С. Уолтер
АЛМАТЫ. ҚазАқпарат - Қазақстан туберкулезге қарсы күресте бүкіл Орталық Азия өңірінде көш басында келеді. Сол үшін, Қазақстан әлем бойынша санаулы елдердің ішінде алғашқылардың бірі болып, соңғы 50 жылға жуық уақыт ішінде тұңғыш рет емдеуге рұқсат етілген жаңа препаратқа қол жеткізді. Бұл туралы «ҚазАқпарат» тілшісіне берген сұхбатында АҚШ-тың халықаралық даму бойынша агенттігінің (USAID) Орталық Азиядағы өңірлік директорының орынбасары Сара Уолтер ханым мәлім етті.