Բժիշկները պայքարում են ավտոբուսի պայթյունից տուժածներից մեկի կյանքի համար
![Բժիշկները պայքարում են ավտոբուսի պայթյունից տուժածներից մեկի կյանքի համար](http://gdb.rferl.org/A098BF71-A8AA-4DC4-95AC-F1D66D668CFF_w800_h450.jpg)
Քիչ առաջ «Արմենիա» բժշկական կենտրոնում առողջապահության նախարար Արմեն Մուրադյանը լրագրողներին հայտնեց, որ Հալաբյան փողոցում թիվ 63 երթուղին սպասարկող ավտոբուսում տեղի ունեցած պայթյունից հետո հիվանդանոց են բերվել 7 տուժած քաղաքացիներ, որոնցից մեկը, հրաժարվելով հետագա բուժօգնությունից, գնացել է տուն:
Տուժածներից մյուս 4-ի վիճակը գնահատվում է կայուն ծանր, 2-ինը` ծայրահեղ ծանր: Նրանք ստացել են այրվածքներ, բեկորային վնասվածքներ:
Այս պահին վիրահատվում է հիվանդներից մեկը` 14 տարեկան մի պատանի, ով առավել ծանր վիճակում է: