«Վերնիսաժ»-ի տարածքում կխստացվի առեւտրի կանոնակարգումը
Այս մասին այսօր աշխատանքային խորհրդակցության ընթացքում զեկուցվել է Երեւանի քաղաքապետ Տարոն Մարգարյանին:
Տեղեկացվել է, որ զուգահեռաբար «Վերնիսաժի» տարածքում առեւտուր իրականացնող անձանց գործունեությունը շարունակում է կազմակերպվել «Հրազդան» մարզադաշտի հարակից տարածքում:
Քաղաքապետը հանձնարարել է հետեւել շինարարական աշխատանքների ընթացքին եւ առեւտրի կանոնակարգման հարցի վերաբերյալ բացատրական աշխատանքներ տանել վարձակալի հետ:
«Հետեւեք, որ առաջին փուլի աշխատանքներն ավարտվեն սահմանված ժամկետներում եւ համապատասխան որակով: Զուգահեռաբար բացատրական աշխատանքներ տարեք տարածքի վարձակալի հետ՝ չնախատեսված ապրանքատեսականու վաճառքը տվյալ տարածքում բացառելու համար: Այս հարցում եղեք խիստ եւ հետեւողական»,- ընդգծել է քաղաքապետը: