ՀՀ վարչապետը դիմավորել և շնորհավորել է հայ օլիմպիականներին
![ՀՀ վարչապետը դիմավորել և շնորհավորել է հայ օլիմպիականներին](http://arka.am/upload/resize_cache/iblock/cca/220_165_2/cca8b3c80173f44b9c2101de9ba203e8.jpg)
ՀՀ վարչապետը «Զվարթնոց» օդանավակայանում դիմավորել է Ռիոյի 31-րդ ամառային օլիմպիական խաղերին մասնակցած Հայաստանի հավաքականի անդամներին:
ԵՐԵՎԱՆ, 27 օգոստոսի. /ԱՌԿԱ/. ՀՀ վարչապետ Հովիկ Աբրահամյանը Երևանի «Զվարթնոց» օդանավակայանում դիմավորել է Ռիոյի 31-րդ ամառային օլիմպիական խաղերին մասնակցած Հայաստանի հավաքականի անդամներին, հաղորդում է ՀՀ կառավարության մամուլի ծառայությունը:
«Կառավարության ղեկավարը ջերմորեն շնորհավորել է հունահռոմեական ոճի ըմբշամարտի օլիմպիական չեմպիոն Արթուր Ալեքսանյանին, արծաթե մեդալակիրներ ըմբիշ Միհրան Հարությունյանին, ծանրամարտիկներ Սիմոն Մարտիորսյանին ու Գոռ Մինասյանին և շնորհակալություն հայտնել նրանց՝ Ռիո-2016-ում Հայաստանի և հայ ժողովրդի պատիվը բարձր պահելու համար», - նշվում է հաղորդագրության մեջ:
Կառավարության ղեկավարը մարզիկներին մաղթել է նորանոր հաջողություններ և ձեռքբերումներ:
Հայ օլիմպիականներին դիմավորելու էին եկել հազարավոր երկրպագուներ Հայաստանի տարբեր մարզերից: Դիմավորման արարողությունը եզրափակվել է շքեղ հրավառությամբ: -0-