Հայկական EarlyOne-ը կմասնակցի Seedstars-ի տարածաշրջանային միջոցառմանը
<p><em>Դեկտեմբերի 3-ին Ղազախստանի մայրաքաղաք Աստանայում կկայանա Seedstars Կենտրոնական եւ Արեւելյան Եվրոպայի տարածաշրջանային համաժողովը, որին կմասնակցի նաեւ Seedstars-ի <a href="http://www.itel.am/am/news/8204" target="_blank">այս տարվա</a> հայաստանյան հաղթող <a href="http://www.earlyone.co/" target="_blank">EarlyOne</a> ստարտափը։ </em><br /><br />Ստարտափի մշակած լուծումը հնարավորություն է տալիս բիզնեսներին կրճատել հաճախորդների սպասելու ժամանակը` այդպիսով տարեկան խնայելով շուրջ $30 հազ.։ Համակարգը հարմար է բանկային եւ ֆինանսական, առողջապահական եւ բժշկական, հեռահաղորդակցության եւ հանրային ծառայություններ մատուցող ընկերությունների համար։ <br /><br />Seedstars-ից Itel.am-ին հայտնել են, որ միջոցառումը տարածաշրջանում իրենց այս տարվա աշխատանքի կուլմինացիան է։ Հայաստանից բացի, կմասնակցեն Վրաստանի, Ադրբեջանի, Ռուսաստանի, Իրանի, Չեխիայի, Ուկրաինայի եւ Մոլդովայի ազգային հաղթողները, ինչպես նաեւ ստարտափներ Ղազախստանից։ <br /><br />Ստարտափները փիչինգի հնարավորություն կստանան ներդրողների, ԶԼՄ-ների եւ ձեռներեցեների 300-հոգանոց լսարանի ներկայությամբ։ Տարածաշրջանային միջոցառմանը կնախորդի երկօրյա ուսուցողական ծրագիրը (boot camp), որի շրջանակում ստարտափները կաշխատեն արտասահմանցի մենթորների հետ՝ բարելավելու իրենց պրոդուկտների բիզնես մոդելները եւ փիչինգ հմտությունները։ <br /><br />Այս տարվա ծրագիրը ստարտափներին հնարավորություն է տալիս նաեւ մասնակցել Seedstars Growth աքսելերացիոն ծրագրին՝ սաղմնային ներդրում ստանալու հնարավորությամբ։<br /><br />Նշենք, որ ազգային հաղթողները 2017թ․ ապրիլին մասնակցելու են Շվեյցարիայում կայանալիք համաշխարհային մրցույթին։ Հաղթողներին սպասվում է մինչեւ $500 հազ. ներդրում եւ այլ մրցանակներ։<br /><br />«Մենք ուրախ ենք միավորել ստարտափներին, ձեռներեցներին, ներդրողներին եւ էկոհամակարգի մյուս խաղացողներին՝ աջակցելով ավելացնել կապերը եւ արագացնելով տարածաշրջանում ծնված գլոբալ բիզնեսների աճը»,- ասել է Կենտրոնական /Արեւելյան Եվրոպայում եւ Մերձավոր Արեւելքում/Հյուսիսային Աֆրիկայում Seedstars World-ի ներկայացուցիչ Թիֆանի Օբսերը։ <br /><br />«Seedstars-ը հարթակ է, որը միավորում է ներդրողներին հաջորդ սերնդի ստարտափ ձեռներեցների հետ: Մենք կարծում ենք, որ զարգացող երկրներում ազդեցություն ունենալու լավագույն ձեւը ձեռներեցության մեջ ներդրումն է եւ դրա խթանումը։ Անհամբեր ենք տեսնել, թե ինչպես են տարբեր երկրների ստարտափ էկոհամակարգերը զարգացել վերջին մեկ տարվա ընթացքում»,- նշել է Seedstars World-ի համահիմնադիր եւ գլխավոր տնօրեն <a href="http://www.itel.am/am/news/7138" target="_blank">Ալիզ դե Տունակը</a>։<br /><br />Հիշեցնենք, որ մրցույթի հայաստանյան եզրափակիչը <a href="http://www.itel.am/am/news/8204" target="_blank">կայացել էր</a> հունիսի 25-ին: Ինչ վերաբերում է նախորդ տարիներին, ապա Seedstars Yerevan-ի 2013թ. հաղթող SoloLearn-ը, որը ՄԻԿ աքսելերացիայի ստարտափներից է, նույն տարում ընդգրկվել էր Seedstars World-ի լավագույն եռյակի մեջ: 2015թ. էլ հայաստանյան հաղթող EyeCare թիմը հայտնվել էր Seedstars World-ի լավագույն տասնյակում: <br /><em> </em><br /><em>Itel.am-ի զրույցը Seedstars-ի Կենտրոնական/Արեւելյան Եվրոպայի եւ Մերձավոր Արեւելքի/Հյուսիսային Աֆրիկայի տարածաշրջանային համակարգող Իգոր Օվչարենկոյի հետ հասանելի է <a href="http://www.itel.am/am/news/8195" target="_blank">այստեղ</a>։ </em></p>