Колумбия президенти Нобель тинчлик мукофотини олди

Ослода Нобель тинчлик мукофотини қабул қилиб олган Колумбия президенти Хуан Мануел Сантос мукофот мамлакати халқида 50 йиллик фуқаролар урушини тугатишга бўлган ишончни орттирганини айтди. 

Хуан Мануэл Сантос 10 декабрда Ослода бўлиб ўтган маросимда Нобель дипломи ва олтин медалини қабул қилиб олди.

Мукофот унга ҳукумат ва Колумбия Инқилобий Армия Кучлари (ФАРС) ўртасидаги можарони тўхтатишга қаратилган сай-ҳаракатлари учун берилди.

"Хонимлар ва жаноблар, дунёда битта уруш камайди, ва бу уруш Колумбиядаги урушдир,"  деди 65 яшар Сантос деди маросимда нутқ сўзларкан. 

Колумбияда ҳукумат ва исёнчилар ўртасида имзоланган тинчлик шартномаси 220 минг инсон ҳаётига зомин бўлган ярим асрлик можарога расман якун ясади.