Senat raisining yangi birinchi o‘rinbosari O‘zbekistonga nima qilib beradi?
O‘zbekistondagi kam sonli liberal fikrli siyosatchilardan biri sifatida tanilgan Sodiq Safoev yangi ta’sis etilgan lavozim - Senat raisining birinchi o‘rinbosarligiga tayinlandi. Safoevga yaqin mulozimlardan birining ismi sir qolish sharti bilan Ozodlikka aytishicha, Safoev yangi lavozimga tayinlaganidan so‘ng “mas’uliyati oshganini to‘la his qilayotganini, biroq o‘z oldida turgan vazifalarni bajarishga tayyor” ekanligini aytgan.