Սյունիքում կստեղծվի զարգացման եւ ներդրումների հիմնադրամ
![Սյունիքում կստեղծվի զարգացման եւ ներդրումների հիմնադրամ](http://www.mediamax.am/datas/znews/thumb_1481795247_4891891.jpg)
Վերջինս կգործի Սյունիքի մարզպետարանի կառավարման ներքո:
Հիմնադրամի գործունեության նպատակն է նպաստել Սյունիքի մարզի սոցիալ-տնտեսական տարբեր բնագավառների, այդ թվում՝ արդյունաբերության, գյուղատնտեսության, շինարարության, առեւտրի, զբոսաշրջության, գիտական, մշակութային ոլորտների զարգացմանը, աջակցել մարզի տնտեսվարողների խնդիրների վերհանմանն ու լուծմանը, մարզում ներդրումների ներգրավմանն ու նոր աշխատատեղերի ստեղծմանը:
Կառավարության հիմնավորմամբ՝ մարզերում տնտեսական ակտիվությանը նպաստելն համարվում է պետության առանցքային խնդիրներից, եւ առավել նպատակահարմար է այն իրականացնել համապատասխան մասնագիտական եւ ֆինանսական ներուժ ունեցող կառույցի միջոցով, որը կիրականացնի բացառապես Սյունիքի մարզի սոցիալ-տնտեսական խնդիրների լուծմանն ուղղված գործունեություն: