Գերմանիայից Աֆղանստան են վերադարձել ապաստան չստացած մոտ երեք տասնյակ աֆղան տղամարդիկ
![Գերմանիայից Աֆղանստան են վերադարձել ապաստան չստացած մոտ երեք տասնյակ աֆղան տղամարդիկ](http://gdb.rferl.org/2203A327-9803-4C23-9A29-AEB27FF7B5A8_cx0_cy14_cw0_w800_h450.jpg)
Այսօր Ֆրանկֆուրտ-Քաբուլ չվերթով Աֆղանստան են վերադարձել մոտ երեք տասնյակ աֆղան տղամարդիկ, որոնց ապաստան ստանալու դիմումները Գերմանիայում մերժվել են:
Նրանց վերադարձի պայմանագիրը Գերմանիան և Աֆղանստանը ստորագրել են այս տարվա հոկտեմբերին:
2015 թվականին Գերմանիան ընդունել է 890 հազար փախստական Աֆղանստանից, Սիրիայից և Իրաքից: Ապաստան հայցող մոտ 12 և կես հազար աֆղանների դիմումները մերժվել են: Գերմանիան այդ մարդկանց հորդորում է կամավոր հեռանալ՝ հոգալով ճանապարհածախսը, իսկ ովքեր չեն ընդունում առաջարկը՝ արտաքսվում են: