Հայաստանն ու Ավստրալիան կխրախուսեն փոխադարձ ներդրումները

ՀՀ կառավարությունն այսօրվա նիստում համաձայնություն է տվել Հայաստանի եւ Ավստրալիայի գործադիր մարմինների միջեւ ներդրումների խրախուսմանն ու փոխադարձ պաշտպանությանն առնչվող համաձայնագրի ստորագրմանը:

ՀՀ տնտեսական զարգացման եւ ներդրումների փոխնախարար Տիգրան Խաչատրյանի խոսքով` երկրների միջեւ ներդրումային հարաբերությունները գտնվում են ցածր մակարդակի վրա, եւ այս համաձայնագիրը հնարավորություն կտա հավասարության եւ փոխշահավետության հիման վրա ստեղծել բարենպաստ պայմաններ երկու երկրների ներդրողների համար՝ նպաստելով գործարար նախաձեռնությունների խթանմանը: