Հայտնի են StartUp Challenge for Artsakh մրցույթի հաղթողները
<p><strong>Հայտնի են դեկտեմբերի 10-ին Ստեփանակերտում կայացած StartUp Challenge for Artsakh նորարարական բիզնես-գաղափարների մրցույթ-աքսելերացիոն ծրագրի հաղթողները:</strong><br /><br />Մրցույթին մասնակցել է 12 ստարտափ՝ Արցախից եւ Հայաստանից:<br /><br />Մրցույթի կազմակերպիչ «Թեքնոլոջի ընդ Սայնս Դայնամիքս» ընկերությունից Itel.am-ին հայտնել են, որ հաղթող է ճանաչվել երկու թիմ Արցախից եւ երկու թիմ՝ Հայաստանից: <br /><br /><strong>«Recycle Bin»</strong> - ծրագիրը վերաբերում է ԼՂՀ-ում աղբահանության խնդրի լուծմանը: <br /><br /><strong>«Bus Traffic Online»</strong> - ծրագիրը վերաբերում է Ստեփանակերտի տրանսպորտային համակարգին: Այն հնարավորություն է տալու իրական ժամանակում եւ անվճար հիմունքներով հետեւել երթուղայինների շարժին եւ, ըստ դրա, ճիշտ պլանավորել ժամանակը: <br /><br /><strong>«Brain Bit»</strong> - ծրագիրը նախատեսում է ստեղծել եւ Արցախում ներդնել վեբ-հարթակ, որը հնարավորություն է տալիս առանց ծրագրավորման գիտելիքների ստեղծել բոտեր՝ բիզնեսի գործունեության խթանման համար: <br /><br /><strong>«Ինքնաշխատ ծորակը»</strong> - նպատակ ունի ստեղծել ինքնաշխատ ծորակների տեղական արտադրություն: Առավելությունն այն է, որ հնարավոր է տեսնել ջրի ջերմաստիճանը եւ կարգավորել տաքությունը: <br /><br />Հաղթող գաղափարներից երեքը կֆինանսավորվեն «Թի-Էս-Դի» ընկերության կողմից, իսկ «Recycle Bin» ծրագիրը կֆինանսավորվի ԼՂՀ Կառավարության կողմից: <br /><br />«Թի-Էս-Դի» ընկերության հիմնադիր տնօրեն Վահան Շաքարյանի խոսքով՝ հաղթող թիմերի հետ կաշխատեն ընկերության տնտեսագետները՝ օգնելով կատարելագործել եւ ամբողջական տեսքի բերել իրենց բիզնես-գաղափարները, որից հետո կսկսվի ֆինանսավորման փուլը: <br /><br />Այն թիմերին, որոնց չի հաջողվել մրցանակային տեղեր զբաղեցնել, հնարավորություն կստանան աշխատել իրենց բիզնես-գաղափարների վրա, փոփոխություններ կատարել դրանցում եւ ավելի արդյունավետ մոդելներ կազմելով՝ նորից դիմել ֆինանսավորման համար: </p>