Жексенбі ел аумағында құбылмалы ауа райы сақталады

АСТАНА. ҚазАқпарат - 18 желтоқсанда Қазақстанның басым бөлігінде атмосфералық фронтальдық бөліктердің өтуіне байланысты бұрынғыша құбылмалы ауа райы сақталады, жауын-шашын болады. Кей жерлерде тұман, көктайғақ, бұрқасын болып, жел күшейеді, деп хабарлайды Қазгидромет. Ақмола, Қарағанды, күндіз Батыс Қазақстан облыстарының кей жерлерінде - жаяу бұрқасын, жел 15-20 м/с күшейеді.