Тошкент билан Киев ўртасида доимий авиақатнов тикланиши мумкин

Ўзбекистон ва Украина авиация расмийлари Тошкент-Киев-Тошкент йўналиши бўйича доимий авиақатновни тиклаш бўйича Тошкентда музокара ўтказишни режаламоқда. Бу ҳақда Ўзбекистоннинг Украинадаги элчихонаси маълумот тарқатган. 


Ўзбекистон ва Украина пойтахтлари ўртасидаги парвозлар ўтган йилнинг май ойидан бери тўхтаб қолган. Бу эса, Ўзбекистоннинг Украинадаги элчиси Алишер Абдуалиевга кўра, ўзаро савдо-сотиқ ҳажми ва халқаро туризм ривожида салбий акс этган.


Абдуалиевнинг айтишича, Тошкент-Киев-Тошкент авиақатновини тиклаш бўйича музокаралар 2017 йил бошида ўтказилиши кутилаяпти.