Արեւային ֆոտովոլտային կայանների կառուցման համար կներդրվի $129 մլն
ՀՀ կառավարության այսօրվա նիստում հավանության է արժանացել «Արեւային ֆոտովոլտային կայանների կառուցման ներդրումային ծրագիրը», որի արդյունքում 6 նմանատիպ կայանի կառուցման համար կներդրվի շուրջ $129 մլն:
ՀՀ էներգետիկայի եւ բնական պաշարների նախարարի փոխանցմամբ, ծրագիրն ուղղված է ՀՀ-ում արեւային էներգետիկայի զարգացման պետական քաղաքականության եւ դրա իրագործման մեխանիզմների ապահովմանը:
ՀՀ կառավարությունը նախատեսում է ծրագիրն իրականացնել մրցութային եղանակով` նվազագույն սակագին սահմանելու նպատակով: Մրցույթը եւ 6 կայանների կառուցումը կիրականացվեն մի քանի փուլերով: Առաջին փուլով նախատեսվում է իրականացնել շուրջ 50 ՄՎտ մեկ կայանի կառուցում, իսկ հաջորդ փուլերով՝ շուրջ 60 ՄՎտ կայանների կառուցում: