Оесь миеви Китаев (эрзя)
Мордовиясь касты Китаев рапсонь оень ускомань вийтнень. Мордовия Республикава ды Пензань ёнксонь Россельхознадзоронь Управлениянь специалисттнэнь ванновт ало 2024-це иень якшамковонть-медьковонть перть Китаев миезельть рапсонь оень 7 258 тоннат, мезесь малав кавксть седе покш ютазь иень те шканть коряс. Теде башка, чадыковто саезь республикасто Китаев миеви чиньжарамонь оесь. Умарьковонь 1-це чис уш кучозельть 2 122 тоннат. Ванномань цётамотнень коряс, весе вачказь продукциясь кирдинзе масторонть-импортёронть карантинэнь фитосанитаронь вешематнень. Рапсонь ды чиньжарамонь ойтнень омбо масторов миемань партиятнес максозь фитосанитаронь 239 сертификатт.