Мордовиянь энергетикань ды жилищно-коммунальной хозяйствань министерствасо ёвтызь Саранскойсэ коммунальной инфраструктурань одкстомтомань коряс важодематнень цётамотнень (эрзя)

Иень прявт проектэкс кармась ошонь Юго Западонь пелькссэнть канализациянь сеттнень ламо эскельксэнь одкстомтомась – «Модернизация систем коммунальной инфраструктуры Республики Мордовия» региононь программань пельксэсь.
Весемезэ полавтозельть канализациянь сетень 3,5 вайгельбеть. Коллекторонть диаметразо – 500 мм саезь 1600 мм молемс. Важодеманть лувсо специалисттнэ целанек ладизь од трубопроводонть ды топавтызь коллекторонь тампонажонть. Тевтнень ютавтомань таркатнесэ витнезь вадрялгавтозь-мазылгавтозь тевтне: топавтозь китнень ды тротуартнэнь асфальтобетононь вельтявксонть одкстомтомань коряс важодемась, теезь кинь разметка, путозь китнень тешкст ды витнезь маласо территориясь. Канализациянь коллекторонь путомань коряс весе тевтне топавтозь целанек.
Тедеде «Модернизация коммунальной инфраструктуры» федеральной проектэнть лувсо педе пес витнезь 8 объектт. Истя жо прядозь региононь прявтошсонть ванськавтомань сооружениятнень педе пес витнемась. Те тевесь ульнесь прявт вешематнестэ вейкекс, секс мекс неень шкань системась эксплуатациянь иетнень перть пачкодсь пек таштомгадомас. Неть проекттнэнь топавтомась лездась редявикстэ кастомс ошонь коммунальной инфраструктурань кемечинть ды лезэвчинть.