Öňümizdäki ýyla çenli ýurdy temmäki önümlerinden arassalamagy meýilleşdirýän Türkmenistanda çilimiň bahasy birden iki esseden gowrak gymmatlady. Azatlyk Radiosynyň habarçylary Mary welaýatynda birnäçe gün ozal bir gutusy 50 manatdan satylan çilimleriň bahasynyň 100 manada çykandygyny habar berýärler
Hazar deňziniň türkmen kenaryndaky Awaza syýahatçylyk zolagy tomusky dynç alyş möwsümini açmaga taýýarlanýar. Taýýarlyklaryň çäginde, Balkan welaýatynyň ähli etraplaryndan býujet işgärleri Awaza iberilip, arassaçylyk işlerine gatnaşmaga mejbur edilýär.
Lebap welaýatynyň Seýitnazar Seýdi adyndaky Türkmen döwlet mugallymçylyk institutynyň talyplary özleriniň käbir mugallymlar tarapyndan psihiki we fiziki kemsitmelere, şol sanda urlup-ýenjilmelere yzygiderli sezewar edilýändiklerini aýdýarlar.
