Ришат Төхвәтуллин белән гастрольләргә йөрергә теләүче малай сәхнәгә менеп җырлады

Татарстанның һәм Башкортстанның атказанган артисты Ришат Төхвәтуллинның Казандагы концертына балалар һәм яшүсмерләр дә килгән иде. Бер укучы малай бүләк тотып сәхнәгә менде.

Ул җырчы белән гастрольләргә йөрергә теләве турында әйтте.

«Мәктәптән җибәрәләрме соң?» – дип сорады җырчы.

«Җибәрәләр», – дип, ышанырлык итеп җавап бирде малай.

Кыю малай җырларга да теләк белдерде. Ул җырның сүзләрен белеп бетермәсә дә, «йолдызлы сәгате»н кулдан ычкындырмаска булды бугай – «Карамалы Гобәй»не «бәрде».

Тамашачы алдында дулкынланган малай бүләген җырчыга бирергә онытып, календарь бүләк итәргә чыккан төркемдәге егеткә тоттырып куйды.

Видео: Гөлүзә Василова