Гөлназ Сираева ябыкканчы купальниктан төшкән фотоларын күрсәтте

Җырчы Гөлназ Сираева үзенә 56 килограммга хәтле ябыгу максаты куйган булган. Ел башында 71 килограмм авырлыкта булган җырчы, ел ахырына, чыннан да, 56 килограммга калган. Гөлназ, ябыкканчы, диңгез буенда купальниктан төшкән фотоларын һәм ел ахырына нинди нәҗитәләргә ирешкәнен күрсәтеп, халыкны да шаккатырган.

«Менә бу нәтиҗә, ичмасам», «Гөлназ, шәп! Матуркай», «Көчле рухлы кеше генә мондый нәтиҗәләргә ирешә ала», – дип яза аның язылучылары, җырчының ихтыяр көченә сокланып.

«56 килограмм түгел, 60 тирәсе», – дип, җырчы әйткән саннарга ышанмаучылар да табылган. Бер ханым исә ябыкканнан соң да купальниктагы фото таләп иткән. «Трикосыз гына күрсәтегез. Целлюлит кызыксындыра. Пляждагы фотогызда ярылып ятканга соравым», – дип язган ул аңа.