Казанда Баһаветдинов-Апанаева йортын саталар
Татарстан башкаласында урнашкан Баһаветдинов-Апанаева йортын сату-алуга куйганнар. Әлеге йортны суд карары буенча кинематографист Тимур Бекмамбетовтан алганнар иде. Бу турыда «Татмедиа» телеграм-каналында язалар.
Төбәк дәрәҗәсендә мәдәни мирас объекты булган бинаның башлангыч бәясе 9,3 млн сумнан артык.
Өй Шиһабетдин Мәрҗани урамында урнашкан, гомуми мәйданы 204,2 кв.м. Анда бер бүлмәле торак фатир һәм яшәми торган 4 бина бар, диелә хәбәрдә.