Нинди витамин җитмәсә, кеше йоклаганда гырлый?

D витамины җитмәү гырлауга һәм йоклаганда җиңелчә апноэга (кыска вакытка сулыш алу туктау) сәбәп булырга мөмкин. Бу хакта табиб һәм җәмәгать сәламәтлеген саклау өлкәсендә белгеч Джагадиш Хиремат сөйләгән, дип яза «Радио 1» сайты.

Ул азык өстәмәсенең тын юлларына йогынтысы турында сөйләгән. D витамины җитмәү мускулларны, шул исәптән тын юллары үтүчәнлеген саклый торган мускулларны да көчсезләндерә, дип аңлаткан белгеч. Бу матдә җитмәгәндә тонус кими, шуның аркасында сулыш алу авырлаша.

Моннан тыш, D витамины микъдары түбән булса, ялкынсыну көчәя һәм иммун системасы эшчәнлеге бозыла. Шуның аркасында борын тыгыла һәм тын юллары шешә, бу исә, йоклаганда сулауны тагын да начарландыра. Күптән түгел уздырылган тикшеренүләр күрсәткәнчә, D витамины кабул итү гырлауны киметергә булыша, дигән белгеч. Шулай ук ул мелатонин бүленеп чыгуга да уңай тәэсир итә, ә бу төнге йокы сыйфатын яхшырта.