Ришат Төхвәтуллинның Теләчедәге концертында кызык хәл булган

Ришат Төхвәтуллинның Теләчедә узган концертында бик кызык хәл булган. Бер җырын башкарганда, биюче кыз урынына сәхнәгә аның төркемендәге Рөстәм Гатауллин чыгып баскан. Ришат исә хатын-кыз киемнәре, парик кигән Рөстәмне күргәч, эче катып көлә башлаган, хәтта җырлый да алмаган. Рөстәм шулкадәр оста итеп уйнаган, шул дәрәҗәдә матур биегән, халык, берара, биюченең ир-ат икәнен аңламый да торган, ахры.

Күңелле видеоны Ришат үзенең сәхифәсенә куйды.

«Ришат, синең эмоцияләреңне күрүе бик кызык булды. Шундый саф, ихлас иде алар. Ә Рөстәм «пушка» инде. Позитив кеше! Шундый идеяле. Синең ирекле булуың һәм тормышка мәхәббәтең сокландыра», «Рөстәмнең чыгышын киләсе ел программасына кертергә кирәк», – дип язалар аны караучылар.