«Экология» раськень теварсевксэсь тевсэ (эрзя)
«Экология» раськень теварсевксэнь «Вирьтнень ванстома» региононь проектэнь топавтомас 2024-це иестэ Мордовиянтень явозельть 15 миллиндо ламо целковойть. Неть ярмактнень эйстэ колмоце пельксэсь кучозель специальной учреждениятнень виреньпаломань техникасо ды вирьтнень паломатнень эйстэ ванстомань оборудованиянь рамамос.
Лия ярмактне тусть вирень вельмевтемань таркань кастомас. Вирьтнень вельмевтемантень мель яви Мордовиянь виреньпаломань куншкакурось. Важодемань покш пельксэнть арсеви теемс 2024-це иень колмоце кварталсто. Те шкас иень арсематнень эйстэ топавтозь 23 проценттэ ламось, касовкстнэ путозь 484 гектартнэсэ.
Вирьтнень одкстомтомань арсевиця таркась — 2, 08 тёжат гектарт, сынст ютксо арендас саезь вирень 1, 34 тёжат гектарт таркатне. Вирьтнень вельмевтемань таркась керязь или ёмазь чувтотнень коряс ловови 100 процентнэс. Теде башка, тедеде виреньпаломань куншкакурос рамазель чары лангсо 0,6 тоннасто саезь 6 тоннас сталмонь усксемас эрьва кува ардыця ардомапель. Те кастозь ютамонь ардомапель, сонзэ вийсэ ютамс чеядавксонь таркатненьгак. Эрьва кува ютавиця ардомапелесь лезды бойкасто пачкодемс кирвазема таркас.