Bangladesh-studentar: 48-timars pause i demonstrasjonane

Ei studentforeining i Bangladesh vil stoppa protestane i landet i 48 timar. Det seier leiar for Students against Discrimination Nahid Islam, til AFP.

Den siste tida har det gått føre seg store protestar i Bangladesh. Studentane protesterer mellom anna mot at 30 prosent av alle offentlege stillingar er reserverte til familiemedlemmane til dei som kjempa i sjølvstendekrigen mot Pakistan i 1971.

Sundag bestemte den øvste domstolen i Bangladesh seg for å redusera kvotesystemet.

Til saman har over 105 personar mista livet i protestane. Regjeringa har innført portforbod og har sett inn militæret for å få bukt med protestane.

– Me ber om at regjeringa opphevar portforbodet i denne perioden, får internett opp å gå att og sluttar å gå etter studentdemonstrantar, seier studentleiar Islam til AFP.