Әлмәттә «Мәхәббәт һәм тугрылык өчен» медальләрен тапшырдылар

Әлмәт шәһәрендә гаилә тормышы юбилярларын хөрмәтләүгә багышланган тантаналы чара узды. Бу хакта «Әлмәт таңнары» газетасы яза.

Әлмәт муниципаль районы башлыгы Тимур Нагуманов исеменнән Әлмәт муниципаль районы башлыгы урынбасары Марат Гыйрфанов Әхмәтовлар һәм Каюмовлар гаиләләренә «Мәхәббәт һәм тугрылык өчен» медальләрен тапшырды.

Рөстәм улы һәм Лилия Әхмәтовлар 50 ел бергә яши. Табиблар династиясе. Институтны педиатрия белгечлеге буенча тәмамлаганнан соң, Удмуртия Республикасының Можга шәһәренә эләгәләр, анда 6 ел «Можга үзәк район хастаханәсендә» эшлиләр. 1992 елда Лилия Минхәировнаны медсанчастьның педиатрия бүлеге мөдире итеп билгелиләр, ә Рөстәм Касыймович 1990 елдан хоккей командасының спорт табибы вазифасына билгеләнә. Алар ике матур кыз тәрбияләгәннәр, дүрт оныклары бар. Беренче кызлары Гүзәл медицина династиясен дәвам итә. Ул да табиб.

Шулай ук Равил һәм Рәйлә Каюмовлар бүләкләнде, алар инде 44 ел бергә яшиләр. Рәйлә Рәис кызы - С. Җәләев исемендәге спорт-сәламәтләндерү комплексында эшли, күп кенә мактаулы бүләкләргә һәм рәхмәт хатларына ия, ире Равил Марказович Татнефтегазда шофер булып эшли. Берничә тапкыр «Татнефть» ААҖ һәм «Нефтегазтранс» ҖЧҖ мактау грамоталары белән бүләкләнә, диелә хәбәрдә.