Казанда Һиндстан консуллыгы ачалар
Казанда һәм Екатеринбургта Һиндстан консуллыклары ачылачак. Бу хакта Мәскәүдә һинд җәмәгатьчелеге белән очрашуда илнең Премьер-министры Нарендра Моди әйтте.
«Тагын бер яхшы яңалык белән бүлешәсем килә: без Россиядә ике яңа консуллык ачабыз. Бу сәяхәтләрне һәм бизнес-хезмәттәшлекне җиңеләйтәчәк», – дип яза аның сүзләрен ТАСС агентлыгы.
Искәртеп үтик, Моди Һиндстанда парламент сайлауларыннан соң, 8 июльдә Россиягә рәсми сәфәргә килде. Кичә ул Россия Президенты Владимир Путин белән очрашты.