Россиядә элемтә операторлары һәм социаль челтәрләр эшендә өзеклекләр килеп чыккан

Россиядә мобиль операторлар, банклар, эзләү системалары, социаль челтәрләр һәм видеохостинглар эшендә массакүләм өзеклек килеп чыккан. Бу Downdetector һәм «Сбой.рф» сервислары мәгълүматларыннан күренә.

Аерым алганда, «Сбой.рф» сайты мәгълүматлары буенча, 14:13 сәгатькә МТС эшенә бүген 31 669 шикаять килгән. Аларның 48 проценты Мәскәү, 12 проценты Свердловск өлкәсе, 6 проценты Башкортстан, 2 проценты Татарстан белән бәйле.

YouTube видеохостингы эшенә 14:13 сәгатькә 13 413 шикаять, ә RuTube эшенә 328 шикаять килгән, дип хәбәр итә «Сбой.рф» сайты.

Google һәм «Яндекс» эзләү системаларын, «Кинопоиск», KION һәм «НТВ-Плюс» сервисларын, «МТС Банк», Т-Банк һәм Альфа-банк кушымталарын, «ВКонтакте» һәм TikTok һәм гейминг белән бәйле Twitch, Steam, Genshin Impact һәм Roblox социаль челтәрләрен кулланучылар да проблемалар белән очрашкан.