Рөстәм Миңнеханов машина йөртүчеләрне сак булырга чакырды
Татарстан Рәисе Рөстәм Миңнеханов автомобиль хуҗаларын юлларда сак булырга өндәде. Бу хакта республика лидеры Телеграм-каналында язган.
«Бүген юлда булганнарның барысына да мөрәҗәгать итәм, якын арада республикада һава шартлары катлаулы булыр дип фаразлана - яңгыр, җепшек кар, урыны белән бозлавык һәм буран көтелә. Томан булуы ихтимал. Үзегезне һәм тирә-юньдәгеләрне саклагыз, руль артында игътибарлы һәм сак булыгыз», - дип язган Миңнеханов.
Татарстан Гидрометеорология үзәгендә республикада һава шартларының начараюы турында кисәткәннәр иде.