Tatar-inform.tatar

Әтнә районы махсус хәрби операциядә катнашучыларга Яңа ел күчтәнәчләре белән гуманитар ярдәм җибәргән. Бу хакта «Әтнә таңы» хәбәр итә.

Чистайның Никахлашу сараенда юбиляр парларны һәм күп балалы гаиләне хөрмәтләделәр. Чарага өч гаилә: Татьяна һәм Владимир Шведчиковлар, Равилә һәм Дамир Мортазиннар, шулай ук Айсылу һәм Илдус Сабировлар чакырылган иде. Бу хакта «Чистай хәбәрләре» яза.

Зәйдә тантаналы төстә, ил иминлеген саклап яу кырында һәлак булган 6 батыр хәрбигә бирелгән Батырлык орденнары, аларның әти-әниләре, тормыш иптәшләренә тапшырылды. Бу хакта «Зәй яңалыклары»нда Энҗе Әгъләмова яза.

Лениногорскиның Мичурин авылына Яңа ел бүләгенең зурысы эләкте - яңа фельдшер-акушерлык пункты ишекләрен ачты. Төзелеш эшләрен тиз башкардылар. Бу хакта «Заман сулышы» сайтында Розалия Мостафина яза.

Казан Кремле территориясендәге бер бинада төтен чыгу сәбәпле, бирегә ашыгыч рәвештә янгын сүндерүчеләр һәм башка экстрен хезмәтләр килде. Бу турыда «Татар-информ» яза.

Игътибар бирергә кирәк булган төп факторларның берсе – балаларга тәрбия бирү. Мондый фикерне «Татар-информ»да узган матбугат конференциясендә Татарстан мәгариф һәм фән министры урынбасары Рамил Хәйруллин белдерде.

Бүген «Татнефть арена» спорт сараенда Республика чыршы бәйрәменең икенче тамашасы башланыр алдыннан Татарстан Рәисе Рөстәм Миңнеханов махсус хәрби операциядә катнашучыларның балалары, шулай ук укуда, мәдәнияттә һәм спортта үзләрен яхшы күрсәткән балалар белән тагын бер тапкыр очрашты. Бу хакта республика җитәкчесе матбугат хезмәте хәбәр итә.

Хәрбиләр махсус операция зонасында пилотсыз очучы аппаратлар һәм башка эшләнмәләр җитештерү өчен комплектлаучы детальләрне маркетплейс аша сатып ала алачак.

ТР Рәисе Рөстәм Миңнеханов «ВКонтакте» социаль челтәрендәге сәхифәсендә һәм телеграм-каналында махсус хәрби операциядә Татарстан хәрбиләрен бүләкләү тантанасыннан чираттагы тапкыр видеоязма урнаштырды. Бу юлы «Тимер» батальоны һәм 1231нче мотоукчылар полкы хәрбиләрен бүләкләделәр.

Татарстан Дәүләт Советы махсус хәрби операциядә катнашучыларга җир кишәрлекләрен милеккә бирү мәсьәләсен өйрәнә. Бу хакта журналистларга парламент башлыгы Фәрит Мөхәммәтшин йомгаклау матбугат очрашуында хәбәр итте.