«Մանչեսթեր Յունայթեդը» գոլառատ խաղում հաղթեց «Վուլվերհեմփթոնին»

Անգլիայի Պրեմիեր լիգայի 22-րդ տուրում «Վուլվերհեմփթոնն» ընդունել էր «Մանչեսթեր Յունայթեդին»։ Հանդիպումն ավարտվեց հյուրերի հաղթանակով՝ 4։3 հաշվով։

Առաջին կեսում մանչեսթերյան թիմից աչքի ընկան Մարկուս Ռեշֆորդն ու Ռասմուս Հոյլունդը։

71-րդ րոպեին Պաբլո Սարաբիան կրճատեց հաշվի տարբերությունը, սակայն 4 րոպե անց Սքոթ ՄաքԹոմինեյը վերականգնեց 2 գնդակի առավելությունը։

Հանդիպման վերջնամասում տանտերերը 10 րոպեում 2 գոլ խփեցին։ 85-րդ րոպեին աչքի ընկավ Մաքս Կիլմանը, իսկ 90+5-րդ րոպեին հաշիվը հավասարեցրեց Պեդրու Նետուն։ 2 րոպե անց ՄՅՈւ-ի կիսապաշտպան Կոբի Մայնուի խփած գոլը հաղթանակ պարգևեց իր թիմին։

«Մանչեսթեր Յունայթեդը» 35 միավորով 7-րդ տեղում է։ «Վուլվերհեմփթոնը» 29 միավորով 11-րդն է։