Türkiyə – Gürcüstan: 6-cı duel

Türkiyə millisi bu gün Avropa çempionatının qrup mərhələsinin birinci turunda Gürcüstanla qarşılaşacaq.

Futbolpress.az xəbər verir ki, bu, komandaların 6-cı dueli olacaq.

Türkiyə və Gürcüstan buna qədər 2-i rəsmi, 3 yoldaşlıq görüşündə üz-üzə gəlib. Bu matçlarda “ay-ulduzlular” 3 qələbə qazanıb, 1 heç-heçə edib, bir görüşdə isə məğlub olublar. Türkiyə yığması 5 görüşdə 12 qol vurub, 5-ni buraxıb.

Komandalar arasındakı son oyun 2012-ci ildə baş tutub. Həmin görüş türklərin qələbəsiylə nəticələnib – 3:1.

Bu gün baş tutacaq oyuna saat 20:00-da start veriləcək. Türkiyə yığması F qrupunda Gürcüstanla yanaşı, Portuqaliya və Çexiya ilə mübarizə aparacaq.