Rəşad Sadıqovun “Şerif”lə bağlı fikirləri
UEFA Avropa Liqasında “Şerif”lə (Moldova) qarşılaşacaq “Zirə”nin baş məşqçisi Rəşad Sadıqov püşklə bağlı fikirlərini bölüşüb.
Futbolpress.az xəbər verir ki, mütəxəssis klubun saytına açıqlamasında bunları deyib:
“Şerif” Azərbaycan futboluna tanış rəqibdi. Avrokuboklarda 3 dəfə “Qarabağ”la qarşılaşıblar. Avropada yetərincə təcrübələri var. Qarşıdakı günlərdə rəqibi daha detallı şəkildə təhlil edəcəyik. Komandamıza güvənirəm. Düşünürəm ki, bizi qarşıda iki maraqlı matç gözləyir. İnşallah bu oyunlara yaxşı hazırlaşıb, mərhələni keçən tərəf biz olarıq”.
“Zirə” ilk oyunu iyulun 11-də Moldovada keçirəcək. Cavab matçı bir həftə sonra Bakıda olacaq.