Изнясь Раськеютконь олимпиадасо (эрзя)

Якутск ошсо прядовсь М.А. Алексеевень лемсэ Раськеютконь «Туймаада» школань 31-це олимпиадась. Прявт тевезэ – ливтемс сех виев тонавтницятнень, конат невтизь эсет ёрокост математикань, физикань, химиянь, информатикань задачатнень сех паро топавтоматнень.  Тедеде превейтнень ютксо пелькстамосо пелькстасть Россиянь эрьва кодамо регионтнэстэ, истяжо Казахстансто, Монголиясто, Румыниясто, Индонезиясто 234 тонавтницят.
Задачань анокстыцякс ды экспертэкс ульнесть Россиясо жюрис, весе Россиянь ды раськеютконь сэрень олимпиадань методикань комиссиятнес содавикс совицят: профессорт, преподавательть,  тонавтыцят, аспирантт,  вузонь студентт – «Туймаада» икелень иетнень Раськеютконь олимпиадань изницят. Мордовиянть невтизе Михаил Капранов Республикань лицеень 8-це классонь прядыцясь. Сон пелькстась тонавтницятнень марто, конат сондензэ иес покш. Кавто чинь перть пелькстыцятне топавтсть теориянь ды эксперименталльной оригинальной задачат, конатнень условиятне анокстазельть рузонь ды англань кельсэ. Олимпиадань цётамотнень коряс Мордовиясто лицеистэнтень сатстовсь  изнямс «Туймаадань» 2-це степенень дипломонть. Теде башка, Михаил невтизе сех вадря цётамонть теориянь турсо.