Медицина әйберләрен хәзер урамда сату тыела
Урамда, базарларда, өйгә кереп нинди генә әйбер сатмыйлар да, тәкъдим итмиләр. Еш кына алган әйберләр сыйфатсыз, ялган булып чыга.
Хәзер йортта, эш һәм уку урыннарында, транспортта, урамда һәм башка җрләрдә сату тыелган товарлар исемлегенә медицина максатларында кулланыла орган инструментлар, аппаратлар, приборлар һәм җиһазлар да кертелгән. Бу хакта илнең Премьер-министры карар чыгарган.