Тошкентда солиқчилар ва милиция уюштирган рейдда савдогарлар калтаклангани айтилмоқда

Тошкентдаги “Ширин” бозорида 17 ноябрь куни солиқчилар ва милиция ходимлари ҳамкорлигида ўтказилган ноқонуний савдога қарши рейдда бир неча савдогар калтакланиб, милиция автомашиналарида олиб кетилгани тўғрисида воқеа гувоҳлари Озодликка маълум қилдилар. Бироқ милиция расмийлари савдогарлар калтаклангани тўғрисидаги маълумотларни инкор этмоқда.