Կիևում առևանգված ՀՀ երկու քաղաքացին ազատության մեջ են. դեսպան
Կիևում առևանգված գործարար Սերգեյ Մանուկյանի որդուն ու նրա ընկերոջը հայտնաբերել են։
Այս մասին Ֆեյսբուքի իր էջում գրառում է արել Ուկրաինայում ՀՀ դեսպան Անդրանիկ Մանուկյանը։ ՀՀ արտակարգ և լիազոր դեսպանը, մասնավորապես, գրել է.
«Ընկերներ, ուրախ նորություն ունենք։ Կիևում 2017թվականի նոյեմբերի 12-ին առևանգված ՀՀ քաղաքացիներ Արմանն ու Սամվելն ազատության մեջ են»։
Անդրանիկ Մանուկյանը նաև հայտնում է, որ այս պահին այլ մանրամասներ չի կարող հայտնել։
«Լավ է, երբ ամեն ինչ լավ է ավարտվում»,- հավելել է դեսպանը։
Նշենք,որ ավելի վաղ դեսպանը Tert.am-ի հետ զրույցում հաստատել էր քաղաքացիների առևանգման լուրը։