Նավալնիի հակակոռուպցիոն հիմնադրամի տնօրենը դատապարտվեց տասնօրյա կալանքի

Մոսկվայի դատարանը երեկ տասնօրյա կալանքի է դատապարտել ընդդիմադիր գործիչ Ալեքսեյ Նավալնիի հակակոռուպցիոն հիմնադրամի տնօրեն Ռոման Ռուբանովին: Նա մեղավոր է ճանաչվել անցյալ ամիս չարտոնված հանրահավաք կազմակերպելու մեջ:


Հունվարի 28-ին Նավալնիի աջակիցները «Ընտրողների գործադուլ» (the voters' strike) խորագրով բողոքի ակցիաներ անցկացրեցին Ռուսաստանի բազմաթիվ քաղաքներում: Նրանք դժգոհում էին Կենտրոնական ընտրական հանձնաժողովի որոշման դեմ, որն Ալեքսեյ Նավալնիին չգրանցեց որպես Ռուսաստանի նախագահի թեկնածու մարտի 18-ի ընտրություններում: