Տրյուդոն շնորհակալություն է հայտնել Թրամփին ներկրման մաքսատուրքերի որոշումը Կանադայի վրա չտարածելու համար
Կանադայի վարչապետ Ջասթին Տրյուդոն Միացյալ Նահանգների նախագահ Դոնալդ Թրամփի հետ հեռախոսազրույցի ժամանակ շնորհակալություն է հայտնել արտասահմանից պողպատի ու ալյումինի ներկրման համար նոր մաքսատուրքերի սահմանման որոշումն իր երկրի վրա չտարածելու համար:
Ինչպես նշում է tass.ru-ն, Տրյուդոն իր երախտագիտությունն է հայտնել Թրամփին մաքսատուրքերի սահմանման հարցում Կանադայի նկատմամբ հատուկ վերաբերմունք ցուցաբերելու համար:
Հիշեցնենք, որ Թրամփը պաշտոնապես հայտարարել է արտասահմանից Միացյալ Նահանգներ պողպատի և ալյումինի ներկրման համար մաքսատուրքեր սահմանելու մասին: Մասնավորապես՝ պողպատի համար սահմանվել է 25%-ի, իսկ ալյումինի համար 10%-ի չափով մաքսատուրք:
ԱՄՆ նախագահը հավելել է, որ նրանք, ովքեր չեն պատրաստվում մաքսատուրք վճարել, կարող են արտադրությունն ԱՄՆ տեղափոխել, և այդ դեպքում ստիպված չեն լինի հարկ վճարել:
Թրամփն արդեն ստորագրել է մաքսատուրքերի սահմանման վերաբերյալ համապատասխան փաստաթուղթը, որն ուժի մեջ է մտնելու մի քանի օրից:
Նշվում է նաև, որ նոր օրենքը տարածվելու է բոլոր երկրների վրա՝ բացառությումբ Կանադայի ու Մեքսիկայի: