Ստամբուլում այսօր կանցկացվի «Ապրիլի 24-ից մինչև Հրանտ Դինք. այս ցավը բոլորինս է» խորագրով սեմինար
Ստամբուլի «Ջեզայիր» համաժողովների սրահում այսօր տեղի կունենա «Ապրիլի 24-ից մինչև Հրանտ Դինք. այս ցավը բոլորինս է» խորագրով սեմինար:
Ինչպես տեղեկացնում է «Ակօս»-ը, միջոցառման ժամանակ ելույթ կունենան Թուրքիայում հայտնի մտավորականներից պատմաբան ու սյունակագիր Այշե Հյուրը, գրող, ակտիվիստ և հրապարակախոս Շենոլ Քարաքաշը և հայազգի մտավորական, «Ակօս» հայկական պարբերականի հայերեն էջերի խմբագիր Բագրատ Էստուկյանը:
Հայտնի է, որ Ստամբուլում Հայոց ցեղասպանության զոհերի հիշատակի օրն ու դրան նախորդող օրերին կազմակերպվելու են մի շարք կարևոր միջոցառումներ՝ թե՛ տեղի հայ համայնքի, և թե՛ այլազգի ակտիվիստների, մարդու իրավունքների պաշտպանների, արվեստագետների, մտավորականների ու հասարակական գործիչների կողմից: