Ոստիկանություն է բերվել 62 քաղաքացի

Երևանի տարբեր հատվածներում ցուցարարները շարունակում են փակել ճանապարհները, «Իմ քայլը» նախաձեռնության կազմակերպած քաղաքացիական անհնազանդությունը շարունակվում է: Երևան քաղաքի ոստիկանության տարբեր ստորաբաժանումներ շարունակվում են քաղաքացիներ բերել:
Tert.am-ը ոստիկանության լրատվական վարչությունից հետաքրքրվեց, թե քանի քաղաքացի է բերվել ոստիկանություն:

«Ապրիլի 21-ին՝ ժամը 13:30-ի դրությամբ, ոստիկանության տարբեր ստորաբաժանումներ են բերվել 62 քաղաքացի»,-ասաց  ԶԼՄ-ների հետ կապի բաժնի պետ Էդգար Ջանոյանը:

Նշենք, որ ժամը 11:30-ի դրությամբ ոստիկանության տարբեր ստորաբաժանումներ են բերվել 11 քաղաքացիների:  

Նշենք նաև, որ երեկ ժամը 18։00-ի դրությամբ ոստիկանություն էր տարվել 233 ցուցարար: