13-րդ օրն է, «Հիմնադիր խորհրդարանի» նախագահ Գարեգին Չուգասզյանը հացադուլի մեջ է

Չուգասզյանի փաստաբան Տիգրան Եգորյանը բարձրաձայնում է այն մասին, որ իր պաշտպանյալը խիստ հյուծված է, ինչի վրա հացադուլից բացի մեծ ազդեցություն են ունեցել մինչև կալանավորվելը քաղաքական հետապնդումներից խուսափելու նպատակով ընդհատակում գտնվելու անբարենպաստ պայմանները: Վերը նշված հանգամանքներով պայմանավորված, ըստ Եգորյանի, Չուգասզյանի առողջությանը սպառնացող վտանգն էլ ավելի մեծ է գնահատվում: