Բասկետբոլի Հայաստանի հավաքականը Բեյրութում կմասնակցի միջազգային մրցաշարի
Հունիսի 21-24-ը Լիբանանի Բեյրութ քաղաքում կանցկացվի միջազգային մրցաշար, որին կմասնակցի նաև Հայաստանի ազգային հավաքականը:
Մրցաշարը կազմակերպել է Լիբանանի բասկետբոլի ֆեդերացիան,- հայտնում է ՀԲՖ-ի մամուլի ծառայությունը:
Մրցաշարին մասնակցում են Լիբանանի, Քաթարի, Եգիպտոսի և Հայաստանի հավաքականները:
Հանդիպումների խաղացանկը հայտնի կդառնա ավելի ուշ:
Մրցաշարի ավարտից հետո Հայաստանի հավաքականը կմեկնի Կոպենհագեն, որտեղ հունիսի 28-ին կանցկացնի Եվրո-2021-ի նախընտրական փուլի վերջին ՝ Դանիա-Հայաստան հանդիպումը: