Մեգան Մարքլը պաշտոնապես Թագավորական հիմնադրամի անդամ է դարձել
Մեծ Բրիտանիայի թագավորական ընտանիքի նոր անդամը՝ արքայազն Հարիի կին Մեգան Մարքլը, պաշտոնապես դարձել է տարատեսակ բարեգործական նախագծերի իրականացմամբ զբաղվող Թագավորական հիմնադրամի անդամ:
Ինչպես նշում է Daily Mail-ը, հիմնադրամին անդամակցում են արքայազն Ուիլյամը, նրա կինը՝ Քեմբրիջի դքսուհի Քեյթ Միդլթոնը, և արքայազն Հարին:
Ներկայում համապատասխան աշխատանքներ են տարվում հիմնադրամի անունը փոխելու ու դրանում Մեգան Մարքլի անունը ներառելու ուղղությամբ:
Հայտնի է, որ 36-ամյա Մարքլն առաջին անգամ հիմնադրամի կազմակերպած միջոցառմանն է մասնակցել փետրվարին: Այն ժամանակ նրան ուղեկցել էր Քեմբրիջի դքսուհին: